துபாய் / வாஷிங்டன்: பாரசீக வளைகுடா பகுதியில் பணியாற்றும் 400 மூத்த அமெரிக்க கடற்படை அதிகாரிகளின் வகைப்படுத்தப்பட்ட (Classified) ரகசிய தகவல்களைத் தாங்கள் ஹேக் செய்து கசியவிட்டுள்ளதாக ‘Handala’ என்ற ஹேக்கர் குழு அதிரடியாக அறிவித்துள்ளது.
படைத்தளத்தில் ஊடுருவல்?
இந்த ஹேக்கர் குழு வெளியிட்டுள்ள அறிக்கையின்படி, வளைகுடா பகுதியில் உள்ள ஒரு அமெரிக்க இராணுவத் தளத்திலிருந்து சில மணி நேரங்களுக்கு முன்புதான் இந்தத் தரவுகள் திருடப்பட்டுள்ளன. இதில் அதிகாரிகளின் பெயர்கள், பதவிகள் மற்றும் அவர்களின் தனிப்பட்ட தொடர்பு விவரங்கள் அடங்கியுள்ளதாகக் கூறப்படுகிறது.
முற்றிலும் கண்காணிப்பில் அமெரிக்கப் படைகள்
இந்தத் தரவு கசிவு குறித்து ஹண்டாலா குழுவினர் கூறுகையில்:
“பிராந்தியத்தில் உள்ள ஒவ்வொரு அமெரிக்கக் கப்பல், இராணுவத் தளம் மற்றும் அவர்களின் பயணப் பாதைகளை எங்களால் தொடர்ந்து கண்காணிக்க முடியும்.”
என்று எச்சரித்துள்ளனர். இது அமெரிக்கப் படைகளின் பாதுகாப்பிற்கு விடுக்கப்பட்டுள்ள மிகப்பெரிய சவாலாகப் பார்க்கப்படுகிறது.
பாதுகாப்பு அச்சுறுத்தல்
ஏற்கனவே ஹார்முஸ் ஜலசந்தி பகுதியில் கப்பல்கள் மீது தாக்குதல்கள் நடத்தப்பட்டு வரும் சூழலில், இந்தத் தகவல் கசிவு அமெரிக்க கடற்படையினரிடையே பெரும் கலக்கத்தை ஏற்படுத்தியுள்ளது. இந்தத் தாக்குதலுக்குப் பின்னால் யார் இருக்கிறார்கள் என்பது குறித்தும், தரவுகள் திருடப்பட்டது உண்மைதானா என்பது குறித்தும் அமெரிக்க இராணுவத் தலைமையகம் (Pentagon) தீவிர விசாரணை மேற்கொண்டு வருகிறது.
தற்போதைய நிலவரப்படி, வளைகுடா பிராந்தியத்தில் தொழில்நுட்ப ரீதியாகவும், இராணுவ ரீதியாகவும் பெரும் போர் மேகங்கள் சூழ்ந்துள்ளன
